× மருத்துவம் வர்த்தகம் தொழில்நுட்பம் விளையாட்டு கல்வி E-paper உலகம் தமிழ்நாடு சினிமா முக்கிய செய்தி

வங்கதேசத்துக்கு எதிரான டெஸ்ட் போட்டியில் சதம் விளாசினார் கோலி

23-11-2019

வங்கதேசத்துக்கு எதிரான 2ஆவது டெஸ்ட் கிரிக்கெட் போட்டியில இந்திய அணியின் கேப்டன் விராட் கோலி சதம் அடித்து அசத்தினார்.

கொல்கத்தாவில் பகலிரவாக நடைபெறும் டெஸ்ட் போட்டியின் 2ஆவது நாளான இன்று இந்திய அணி, 3 விக்கெட் இழப்புக்கு 174 ரன்கள் என்ற நிலையில் முதல் இன்னிங்சை தொடர்ந்து விளையாடியது. மறுமுனையில் ரஹானே 51 ரன்னில் ஆட்டமிழந்த போதிலும், அரை சதத்துடன் களத்தில் இருந்த கோலி சிறப்பாக விளையாடி, 159 பந்துகளில் சதம் விளாசினார். இதில் 12 பவுண்டரிகளும் அடங்கும். 

டெஸ்ட் போட்டிகளில் இது கோலியின் 27ஆவது சதம். இதன்மூலம் டெஸ்ட் போட்டிகளில் அணியின் கேப்டனாக 20 சதம் விளாசி, அதிக சதம் அடித்த கேப்டன் பட்டியலில் கோலி 2ஆவது இடத்தை பிடித்தார். இப்பட்டியலில் தென்னாப்பிரிக்க முன்னாள் கேப்டன் ஸ்மித் 25 சதங்களுடன் முதலிடத்தில் உள்ளார்.

அதேபோல், சர்வதேச போட்டிகளில் அதிக சதம் அடித்த வீரர்கள் பட்டியலில் கோலி 70 சதங்களுடன் 3ஆவது இடத்தில் உள்ளார். அப்பட்டியலில் சச்சின் 100 சதங்களுடன் முதலிடத்திலும், 71 சதங்களுடன் ஆஸ்திரேலிய முன்னாள் கேப்டன் பாண்டிங் 2ஆவது இடத்திலும் உள்ளனர்.

அதேநேரத்தில், இந்திய அணி தரப்பில் இளம்சிவப்பு நிற பந்தில் முதல் சதம் விளாசிய இந்திய வீரர் எனும் சாதனையும் கோலி வசமானது. சிறப்பாக விளையாடிய கோலி 136 ரன்களில் ஆட்டமிழந்தார். இதையடுத்து ஜடேஜா 12 ரன்னில் வெளியேறினார்.

பின்னர் களம்புகுந்த அஸ்வின் 9 ரன்னிலும், உமேஷ் யாதவ், இசாந்த் ஷர்மா ஆகியோர் ரன் எதுவும் எடுக்காமல் டக் அவுட்டும் ஆகி வெளியேறினர். இந்திய அணி 9 விக்கெட் இழப்புக்கு இந்தியா முதல் இன்னிங்ஷில் 347 ரன்களை எடுத்திருந்தபோது டிக்ளேர் செய்வதாக அறிவிக்கப்பட்டது. சாகா ஆட்டமிழக்காமல் 17 ரன்களுடன் களத்தில் இருந்தார். இதையடுத்து வங்கதேச அணி களம் இறங்கி, தனது 2ஆவது இன்னிங்சை விளையாடி வருகிறது.

.....

இது தொடர்பான செய்திகள்